2013年10月4日 星期五

三萬呎高空的閨房樂(2) - 摷醒死屍有妙法

上回講到, 係三萬呎既上空,究竟如何叫醒一條熟睡中既死屍??  Sorry, 係雞屍!! 

通常叫醒我地有兩種情況:
1。一次過叫醒晒我地兩個 
2。只係叫醒我地其中一個 

情況一,雞頭入面既同事會打INTERCOM上黎,告知「職工頭圍用床完畢」 呢種方法絕無取巧成份,直接了當,等如鬧鐘叫你起一樣;

情況二,由於同隔離位同事既休息時間有分別(哈,分配休息時間簡直係成班機入面最復雜而又最緊要既一件事情,我又可以寫黎呃多篇BLOG)所以我有時候會自己走上去「宅男艙」度叫醒目標人物,以免嘈醒隔離條尤仔。問題就出係呢度啦 如果大家記得上次張相既話,我地入左去床之後就會將綠色條布簾拉埋。有部分人(包括我)會伸隻手入去摷。。。。。下張被,然後大力扯張被幾下,通常已經足夠叫醒佢地。但我試過有一次瞓緊覺,有條“Apricot + Orange” 鬼佬同事,伸隻手入黎一野揸落我隻腳度起勢咁搖!! (好彩佢捉左唔知A腳定B腳,唔係C腳啫) 個下我真係以為「鬼掹腳」咪一腳伸番出去,踢佢“鹵水鵝” (我個BLOG老幼咸宜,唔可以講粗言穢語既) 好彩佢唔係企得埋,如果唔係已經比我隻腳伸到佢“痾拔甩”    自此之後,每逢有親呢D分開叫醒大家既情況時,我都會提醒另外條尤,你唔想死就唔好捉我隻腳搖醒我啦

有「胸毛員」同事問,典解你地唔教鬧鐘??  問得好!! 因為,有時預到D超好人大隊長,或BASE外國個D,如果佢地既BODY CLOCK係朝早,而我地HKG BASE係夜晚瞓覺時間,佢地都會比我地瞓多過一半,所以我地通常都唔會教鬧鐘,等佢地黎叫醒我地。咁當然有借就有還啦,到我地同BASE CREW飛,我地都會做番同一樣野既~~~ 如果唔做,會比隊長剷到上月球架 (因為我試過 不過個次係我轉黎七七七第一次飛長途,而個隊長又冇話過我知,更而條死X街S/O 係等我叫醒左隊長之後先話我知原來有D咁既不名文規定。。。。

好啦,快樂既時候過得特別快,又係時候講BYE BYE!! 

(粉絲A:嘩,你呃POST都呃得好搶狂啫,撩幾隻字就當一篇!)
(回復粉絲A: 我不嬲既座佑銘都係:「冇人搵支槍指住你個頭黎睇架」,唔好黎睇丫,阿實!

以上對話,純屬“自大的我”妄想症發作,其實"謙虛的我“一直都哭求麻煩大家多D黎捧場。。。

三萬呎高空的閨房樂

你班尤仔好明顯以為我又講衰野啦?三萬呎高空的閨房樂

好多人都知道, 我地長途雞通常都有四條雞絲, 而長途雞我地亦會有一大約一半時間去左休息(係咪覺得我份工好荀呢?三萬呎高空的閨房樂)。 但有幾多人知道,我地係三萬呎高空上面既「私密閨房」係掂架呢?? 今次我就破例帶大家睇真D 三萬呎高空的閨房樂 (我覺得自己開始有D似何守信三萬呎高空的閨房樂

pic

上圖就係我地既絕密私竇!三萬呎高空的閨房樂 係咪好似日本D宅男太空艙酒店呢?? 我地叫呢薯做”CREW BUNK“,私密程度基本上當我地係入面時,各位”胸中腹毛員“理論上係唔可以上黎,可能驚D老外成日唔著褲周圍走卦三萬呎高空的閨房樂 CREW BUNK既位置隻隻雞唔同,我地七七七係頭等艙天花板上面。天花板上面???三萬呎高空的閨房樂 咁咪好窄???  係!! 冇錯,我地入左去係冇辦法企直黎行,要偷偷摸摸咁爬入去,好刺激三萬呎高空的閨房樂

前面兩張真皮梳化係我地既私人影院,配備7吋輕觸式液晶體屏幕,環迴立體聲噪音製造耳筒(冇打錯字,係噪音製造耳筒,製造D噪音出黎等你聽唔到出面飛機既噪音,簡直係「攞你命3000」個FREIND。),令人好似置身於「頭等倉」一樣,不過係赤柱個個三萬呎高空的閨房樂

後面兩張就係陪我渡過無數失眠夜既睡床。三萬呎高空的閨房樂 但老實講,如果唔係因為佢,我又其實應該唔會失眠喎!咁應該多謝佢,定係多得佢呢???三萬呎高空的閨房樂 

至於邊個負責鋪床呢個問題,其實係冇明文規定邊個做既既既既。。。。。但如果我地四個入面最低級𠴱個唔做囉喎,嘻嘻,咁咪唔使旨意有好日子過囉三萬呎高空的閨房樂  但何解我嗰日要執床呢??三萬呎高空的閨房樂  咪就係衰在D隊長好人得黎又唔好人得晒囉!!三萬呎高空的閨房樂 好人係因為佢地有時候會比「二副雞長」參與臨飛前既準備工作,等佢地學下野;但唔好人得晒係因為二副做左其他野,咁鋪床咪要由我呢D游手好閒既人,落去踢完個轆番黎去做囉三萬呎高空的閨房樂 (「踢轆」呢樣工作容後再談) 不過有D超好人既隊長,佢地比二副參與之外,仲會親自走上去鋪床,嗰D神級隊長,簡直係萬人敬仰三萬呎高空的閨房樂

事情並非就咁就結束。。。。原來邊個瞓邊個位都十分之講究三萬呎高空的閨房樂 隊長係雞頭入面只會坐左面既位(唔好問我點解,真係答你唔到,只能夠講呢個係傳統),所以佢瞓覺都係瞓左邊! 咁我瞓邊?? 如果個日我係隊長以下最大粒嗰個三萬呎高空的閨房樂, 咁我都係瞓左邊,最合理既解釋係,如果我地瞓左而佢地又想叫醒我地其中一個既話,咁佢地就可以斷估無辛苦咁知去邊一邊摷醒我地。。。。頂,一係唔講, 一講就死唔斷氣添三萬呎高空的閨房樂 因為,連摷醒我地都有學問三萬呎高空的閨房樂 唔係你估揸痱滋咁容易呀????三萬呎高空的閨房樂

唔掂,好耐冇出野,依家好攰,要抖下先,下次再講埋我地D”騎呢休息時間編制法“ 同 “摷醒雞屍有妙法”比大家知呀!!!(我既意思係出BLOG呀,你班賤精三萬呎高空的閨房樂

2013年9月24日 星期二

為何我不寫BLOG

今日無聊行書店
(註:我真係好鍾意行書店,但我由頭讀到尾既書不出十本)
突然比我領悟到我成日都唔肯寫BLOG既奶油! (都話開卷有益架啦,行行下書店都比我領悟到D野!我諗我行多幾轉分分鐘可以攞埋諾貝爾獎,哈哈)

話說見到幾本講「痱滋」既書,順手開黎八卦下人家寫乜都好! 一路睇,一路心諗:「唔係呀化? 咁無聊既野都寫??」「唔係呀嘩? 呢D係人都知啦,有乜好講呀?」

突然間,腦裡面「叮」左一聲! 原來我成日都覺得身邊既人和事,其實都冇咩特別啫,尤其是番工個D,次次番工都係咁架啦; 陳一個D, 佢日日都係起身刷牙、番學、放學、沖涼、做功課、食飯﹠瞓覺架啦,有咩好講啫??? 就係因為呢種心態,將我原本心裏面個團火,狠狠咁吹熄左。。。。

究竟,我應該點樣先可以喚醒心中已熄滅既一團火呢???

(唔係好慣用BLOGGER個界面,因為冇晒D表情公仔細~~>__<~~)

呀,漏左D野未講完!
之所以前兩日係咁寫生日D野,咪臭係呢個原因囉!因為呢樣野係比起日常起身痾屎食飯瞓覺特別呀嘛~~~ 證明我既人生其實幾貢苦悶。。。。要各位忍受咁耐,真係。。。。。。我都冇辦法(哈哈)

2013年9月12日 星期四

A340穿窿機之 我都做得到「輝雞屍」終極大測試

網誌分類:痱滋的事 |

網誌日期:2007-03-28 01:43
此則叫得做「終極大測試」, 擺到明就係想同梁思浩o既 「怪談 - 終極大測試」對撼。 鬼, 好恐怖; 「輝雞屍」仲恐怖~~因為~~ 貞子 --- 淨係得個頭同個身; 我o地 --- 有三個頭, 六隻臂, 五隻眼, 七隻耳, 哈哈哈哈哈。。。。

七隻耳 --- 當有人係你左邊講緊一樣野, 而右邊又有另一個人講緊另外10樣野, 而前面有d嘈到拆天o既怪聲, 再加後面有d"某利"係度鬼食泥咁既時候, 你要從容不迫咁由左右前後咁聽得晒之餘(明唔明就一件事), 仲要做得番佢地所講既野。
有 得咁上下o既功力, 並唔係話一朝一夕可以練到番黎.....首先, 你要生長係一個起碼有 十個 "姨媽姑姐" 或以上o既大家庭。 當大姨媽問你阿媽係邊既時候, 阿三姑姐就插把講入黎:「你今日唔使番學咩?」, 然後七舅父係同一時間叫你落街幫佢買包煙既時候, 阿爸又冇啦啦嗌你好死番入去做功課........就係呢仲咁既環境底下, 培養出「七隻耳」o既特異功能啦。 (想知我地機頭入面有幾嘈??  click下面個 video啦)

三個頭六隻臂 --- 個天永遠都好似想玩你咁, 每當你做緊一樣野, 就自然會有第二, 第三, 第四.....x咁多樣野一齊發生。 大隊長叫你落gear, 個gear無啦啦又落唔到, 仲要d warning 係度"叮叮叮叮"咁嘈到想打爆佢o既時候, atc 大佬們又 call你個radio 問下你佢地個儀器work唔work。 咁一隻手"禁"住個掣講radio, 另一隻手就繼續搞其他野, 而大隊長又叫你摷下d文件睇下..........嘩!!大佬, 用埋腳指"鉗"住份文件比你睇好唔好???

五隻眼 --- 唉, 我都費事講啦, 總之就要 at least 五隻眼啦 (你地見到個video入面有幾多screen架啦)........
(林文龍同郭可盈生得出十兄弟又有幾勁姐, 我阿媽生一個我都夠頂佢地十個啦!!)


好啦, 如果自問自己恐怖得過「貞子」既 (係「貞子」, 唔係「菜菜子」, 因為冇人可以恐怖得過 「菜菜子」)  , 咁你就有機會成為我地公司既一條「屍」啦.......(哎呀, 單用呢個字好似唔係好吉利咁呀呵??) 我地百無禁忌~~~~~

家有賤兔(狗)???

網誌分類:關人忍事 |

網誌日期:2007-03-21 00:41







冇錯, 大家冇眼花....呢隻的而且確係小弟家中o既一條(佢成日都係一條野咁攤係度), 唔係一隻狗。
記得五年前有一日, 蘿打咩係我飛完番黎之後嘈喧巴閉, 話係寵物店見到d兔仔好得意, 帶左我去睇。 唔睇由自可, 一睇就食燒鵝 (純粹無聊), 無啦啦就帶左佢番屋企。 揀佢個陣時, 仲有隻2號佳麗。
呢 隻1號佳麗(佢其實係男仔)個時好搞笑, 一隻耳仔豎起, 一仔dup落黎, 仲係度跳黎跳去, 冇停過。 而當時2號佳麗唔知咩事, 攤左係度郁都唔郁, 就算比1 號佳麗係上面踐踏都當冇事發生。   我同蘿打咩都諗, 冇理由抬隻病君番屋企架, 從此之後, 1 號佳麗momo就進註左係我地屋企, 而噩夢亦都隨之而黎。

呢 個就係當時既momo啦, 佢真係好趣緻。 但細細個佢就唔肯比我地抱佢, 一抱就"wea"到我地損晒。個寵物店姐姐仔唔知有心定靠害, 叫我地佢唔聽話就要打到佢聽話為止。咁打左幾次, 打到心都赤埋, 都係咁....唉.....都係算罷啦.....從此以後, 我地屋企就多左隻 "只有我服侍佢, 而又冇帶比我任何歡樂既新成員".......


唉....冇歡樂都算啦.....仲要每晚3, 4 點發脾四, 扭計要食蘿蔔.....呢條尤仔一發脾四就dump地, 訓訓下都比佢嘈到紮醒......



由手板咁大, 養到佢依家手臂咁大.....都唔知抱過佢有冇10次.......抱親都要著晒盔甲, 如果唔係又會多幾條永不磨滅既傷痕.......